Author: News हेर्नुस्

भोजपुर । भोजपुरमा नेपाली सेनाको बस दुर्घटना भएको छ । निर्वाचन सुरक्षार्थ बेस क्याम्प स्थापनाका लागि टेम्केमैयुङ गएको श्रीनाथ गणको टोली सवार ना. ४ ख ७३१७ नम्बरको बस भोजपुर नगरपालिका ४ दावाँस्थित सेती बगरमा दुर्घटना भएको हो । २६ जना सवार उक्त बस दुर्घटना हुँदा २४ जना घाइते भएका छन् । जसमध्ये एक जमदार र सैनिक कर्मचारी गरी २ जना सकुशल रहेको जिल्ला प्रहरी कार्यालय भोजपुरले जानकारी दिएको छ । घाइते २४ मध्ये ९ जनाको अवस्था गम्भीर छ । उनीहरूलाई थप उपचारका लागि सेनाको हेलिकोप्टरमार्फत् काठमाडौं ल्याउने तयारी भइरहेको छ । अन्यको भोजपुर अस्पतालमै उपचार भइरहेको जिल्ला प्रहरी कार्यालय भोजपुरले जनाएको छ । बस सडकबाट ५ सय मिटर तल खसेको थियो ।...

भारी चुनावी विजयपछि बङ्गलादेशका प्रधानमन्त्री तारिक रहमानले ५० सदस्यीय मन्त्रिपरिषद् घोषणा गर्दै सङ्कटग्रस्त अर्थतन्त्र पुनर्जीवित गर्ने र क्षेत्रीय तथा आन्तरिक सुरक्षाका चुनौती सामना गर्ने सङ्केत गर्नुभएको छ । सन् २०२४ को घातक विद्रोहपछि अन्तरिम प्रशासनमार्फत सञ्चालन हुँदै आएको शासन व्यवस्थाबाट औपचारिक रूपमा जिम्मेवारी सम्हाल्नुभएका रहमानले मङ्गलबार पदभार ग्रहण गरेपछि मन्त्रिपरिषद् सार्वजनिक गर्नुभएको हो । मङ्गलबार राति राजपत्रमार्फत जारी सूचीअनुसार ७६ वर्षीय अमिर खसरु महमुद चौधरीलाई वित्त मन्त्रालयको जिम्मेवारी दिइएको छ । पूर्व वाणिज्य मन्त्री तथा अनुभवी सांसद रहनुभएका चौधरी व्यापारी पृष्ठभूमिका व्यक्ति हुनुहुन्छ । महिनौँको राजनीतिक अस्थिरतापछि विश्वको दोस्रो ठूलो गार्मेन्ट निर्यातक राष्ट्रका रूपमा चिनिएको बङ्गलादेशमा लगानीकर्ताको विश्वास पुनःस्थापित गर्ने दायित्व उहाँलाई सुम्पिएको छ ...

काठमाडौँ । फागुन २१ गते हुने प्रतिनिधि सभा सदस्य निर्वाचनको लागी भारत सरकारले दिने भनेको ५३८ वटा गाडी नेपाल आइपुगेका छन् । भारत सरकारले निर्वाचन प्रयोजनार्थ नेपाल सरकारलाई सहयोग स्वरूप हस्तान्तरण गर्ने भनिएका उक्त ५३८ वटा गाडी नेपाल आइपुगेको गृह मन्त्रालयका अधिकृतहरू बताएका छन् । फागुन २१ गते हुँदै गरेको निर्वाचन प्रयोजनार्थ भारत सरकारले प्रदान गरेको गाडीहरू सुरक्षा निकाय, निर्वाचन आयोग र जिल्ला प्रशासन कार्यालयहरूलाई दिइएको गृह मन्त्रालका अधिकारीहरुले बताएका छन् । गत भदौ २३ र २४ मा भएको जेनजी आन्दोलनमा गाडी आगजनी भएका जिल्ला प्रशासनहरूलाई धेरै सङ्ख्यामा गाडी दिइएको छ । भारतबाट जम्मा ५३८ गाडी आए पनि तीमध्य सरकारले निर्वाचन आयोगलाई ८७ वटा गाडी मात्र निर्वाचन प्रयोजनको लागि दिएको छ । भारतबाट बोलेरो जिप, स्कोर्पियो र स्कोर्पियो पिकअप गाडीहरू नेपाल आएको हो । तीमध्ये सरकारले सुरक्षा नि...

काठमाडौं । टर्कीको इस्तानबुलबाट काठमाडौं आएको टर्किस एयरलाइन्सको जहाज अवतरण गर्ने क्रममा प्राविधिक समस्या उत्पन्न हुँदा ‘ओभरसुट’ गरी बंगलादेशको ढाका डाइभर्ट गरिएको छ । प्राविधिक समस्या विमानस्थलमा नभई टर्किस जहाजमै भएको विमानस्थलका अधिकारीहरुले बताएका छन् । त्रिभुवन अन्तर्राष्ट्रिय विमानस्थल नागरिक उड्डयन कार्यालयका अनुसार टर्किसको उडान नम्बर टीके७२६ जहाजमा अवतरण गर्ने क्रममा प्राविधिक समस्या आउँदा लगत्तै ओभरसुट गरेको थियो । ‘‘जहाजको चालकदलले काठमाडौंमा अवतरण नगर्ने भनेपछि जहाज बंगलादेशको ढाका डाइभर्ट गरिएको हो । तालिका अनुसार टर्किसको ए३३० सिरिजको उक्त वाइड बडी जहाज बुधबार बिहान ११ः१० बजे त्रिभुवन विमानस्थल अवतरण गरिनु पथ्र्यो । जहाज १०ः५६ बजे विमानस्थल आइपुग्ने अनुमानित समय थियो । टर्किसको उक्त जहाज अहिले बंगलादेशका ढाकामा सुरक्षित अवतरण गरिसकेको छ ।...

सङ्खुवासभा । प्रतिकूल मौसमका कारण उडान भर्न नसकेर १० दिनदेखि बन्द रहेको तुम्लिङटार विमानस्थल आजदेखि पुन: सुचारु भएको छ । मौसम अनुकूल भएपछि सोमबार काठमाडौँ उडान भएको छ । काठमाडौँ–तुम्लिङटार उडान पुनः सञ्चालनमा आएको नागरिक उड्ययन कार्यालयले जानकारी दिएको छ । १० दिनदेखि तुवाँलोका कारण ‘भिजिबिलिटी’ नहुँदा हवाई सेवा अवरुद्ध भएको हो । यो विमानस्थलमा निजी क्षेत्रका विमान कम्पनीले सेवा सञ्चालन गर्दै आएका छन् ।...

काठमाडौं । भारत सरकारले पशुपतिनाथ–बैजनाथधाम जोड्न नयाँ सडक करिडोर निर्माणको प्रस्ताव स्वीकृत गरेको छ । नेपालको काठमाडौंमा रहेको पशुपतिनाथ र भारतको झारखण्डको देवघरस्थित बैजनाथधामसँग जोड्न भारत सरकारले नयाँ करिडोर निर्माणको प्रस्ताव स्वीकृत गरेको हो । उक्त सडक निर्माणका लागि भारत सरकारले विहारको बजेटमा रु. ८२ अर्ब ६० करोड भारु विनियोजन गरिसकेको छ । विहारको २०२६/२७ को उक्त रकम विनियोजन गरेको जानकारी बिहारका सडक निर्माण मन्त्री डा. दिलीप जैसवालले गत मंगलबार विधानसभामा दिएका हुन् । भारतीय केन्द्र सरकारले भागलपुर हुँदै जाने यो नयाँ करिडोर निर्माणका लागि प्रशासनलाई आवश्यक तयारी सुरु गर्न निर्देशन समेत दिइसकेको छ । प्रस्तावित करिडोर पशुपतिनाथ(वैद्यनाथ हाई(स्पिड करिडोर काठमाडौंबाट सुरु हुनेछ र भीमनगर, वीरपुरहुँदै बिहारको सुपौल जिल्लामा प्रवेश गर्नेछ,’ मन्त्री जैसवालले भने, ‘त्यसपछि मधेपुरा...

काठमाडौं । चुनावी घरदैलो अभियानका क्रममा चितवन– २ पुगेका राष्ट्रिय स्वतन्त्र पार्टी (रास्वपा) सभापति रवि लामिछानेलाई त्यहाँका मतदाताले गत भदौ २४ गते जेलबाट निस्किएको विषयलाई लिएर प्रश्न गरेका छन् । चितवनका एक मतदाताले लामिछानेलाई जेलबाट कैदीबन्दी निकाल्न तपाईँले नै नेतृत्व गर्नुभएको हो ? भन्ने गरे । यसको जवाफमा उनले जेलभित्र बसेको मान्छेलाई जबरजस्ती ‘जा’ भनेर पत्र थमाएपछि के गर्ने ? भन्दै प्रतिप्रश्न गरेका छन् । सहकारी ठगीसम्बन्धी मुद्दामा नख्खु कारागारमा रहेका रास्वपाका पार्टी अध्यक्ष रवि लामिछाने गत भदौ २४ गतेको जेनजी आन्दोलनका क्रममा निस्किएका थिए । घरदैलो कार्यक्रममा सोमबार चितवन–२ पुगेका लामिछानेलाई त्याँका एक मतदाताले प्रश्न गरे, ‘जेनजी आन्दोलनका क्रममा धेरै कैदीबन्दीहरू जेलबाट निस्किए । तपाईं पनि निस्किनुभयो । तपाईँले नै कैदी निकाल्ने कार्यको नेतृत्व गर्नुभएको भन्ने चर्चा छ...

चितवन ३ को कार्यालय चनौलीमा खुल्ने चितवन÷नेपाली काङ्ग्रेसले चितवन क्षेत्र नं. ३ को प्रचार प्रसार कार्यालय चनौलीमा खोल्दैछ । निर्वाचन आयोगले भोलिदेखि प्रचारप्रसारलाई खुला गरेको छ । सोही दिन कार्यालय खोल्न लागेको क्षेत्रीय सचिव तुलाराम गुरुङले जानकारी गराउनु भयो । कार्यालय उद्घाटनमा आमनिर्वाचन २०८२ मा चितवन ३ का काङ्ग्रेसका प्रत्याशी टेकप्रसाद गुरुङ लगायतको सो क्षेत्रका काङ्ग्रेस समर्थकहरुको व्यापक उपस्थिति रहने छ ।...