समाचार/विश्लेषण

चितवन । चर्चित टिकटकर तथा युट्युबर रतन कार्कीलाई सोधपुछका लागि चितवन प्रहरीले नियन्त्रणमा लिएको छ । मौन अवधिका बेला टिकटक मार्फत् उम्मेदवारको प्रचार प्रसार गरेर भिडियो पोष्ट गरेको आरोपमा जिल्ला प्रहरी कार्यालय चितवनले सोधपुद्धका लागि उनलाई नियन्त्रणमा लिएको चितवनका सूचना अधिकारी डिएसपी रविन्द्र खनालले बताएका छन् । डिएसपी खनालले भने, मौन अवधिमा विभिन्न राजनीतिक दलका उम्मेदवारको भिडियो पोष्ट गरेको जानकारी आएपछि प्रहरीले सम्पर्क गरी टिकटकर कार्कीलाई कार्यालयमा उपस्थित गराएको हो । उनले भने, “मौन अवधिमा भिडियो पोष्ट गरेपछि सोधपुछका लागि हामीले बोलाएका हौँ ।” जापानमा बस्दै आएका टिकटकर कार्की केही दिनअघि मात्र नेपाल फर्किका थिए । उनले चुनावी माहौलको भिडियो बनाएर टिकटक, फेसबुक लगायतका सामाजिक सञ्जालमा पोष्ट गरेका थिए ।...

तनहुँ । तनहुँ १ मा स्वतन्त्र उम्मेदवारसहित दजनौं युवाहरु काँग्रेसमा प्रवेश गरेका छन् । चुनावी सरगर्मी बढिरहेका बेला त्यहाँका स्वतन्त्र उम्मेदवार सन्देश लौडारीले आफ्नो उम्मेदवारी त्याग गरी नेपाली कांग्रेसका उम्मेदवार गोविन्द भट्टराईलाई समर्थन गर्ने घोषणा गरेपश्चात् त्यहाँका दर्जनौं युवाहरू काँग्रेसमा प्रवेश गरेका हुन् । तनहुँ १ मा सन्देश लौडारीको नेतृत्वमा करिब दुई सयभन्दा बढी युवाहरू औपचारिक रूपमा नेपाली कांग्रेसमा प्रवेश गरेको बताइएको छ। कुनै पनि किसिमको अवसरवादको पछि नलागी इमानदार नेतालाई सहयोग गर्नु नै आजको आवश्यकता रहेको महसुस गर्दै आफू कांग्रेसमा प्रवेश गरेको लौडारीले स्पष्ट पारेका छन् । उनले भट्टराईको जीत सुनिश्चित गर्न आफ्नो समूहको करिब एक हजार ६ सय मत पूर्ण रूपमा सहयोग हुने दाबीसमेत गरे। काँग्रेसका उम्मेदवार गोविन्द भट्टराईले नवप्रवेशी युवाहरूलाई स्वागत गरेका छन् । सो अवसरमा ...

नीता ढुंगेल पार्टीको चुनाव चिन्ह राम्रो अर्थात् आफूलाई मनपर्ने हुँदैमा त्यसलाई लिएर आएका जनप्रतिनिधिहरु राम्रै हुन्छन् भन्ने चाहिँ पक्कै होइन । चुनावी चिन्हलाई लिएर गाउँघरका बुढाबुढीलाई भ्रममा पार्ने काम हुने गरेको देखिन्छ । जस्तो सूर्यभन्दा रुख राम्रो या घण्टी बढी उपयोगी । यस्ता खालका भ्रमित कुराले ७० कटेका वृद्धवृद्धा या अशिक्षित वर्गलाई भ्रममा पारेर जबर्जर्स्ती चुनाव जित्ने अभिलाशाले चुनावी प्रचार गर्ने शैली अझै पनि कायमै देखिन्छ । आफ्नो चुनावी क्षेत्रबाट उठेका व्यक्तिको सामाजिक योगदान, इतिहास, भावी रणनीति र एजेण्डाका बारेमा जानकारी लिएर सोही अनुसार आफ्नो स्वविवेकले मताधिकार प्रयोग गरौं । चुनावी चिन्ह रुख, सूर्य, घण्टी, कुटो कोदालो, ढुंगा माटो या मुसो भ्यागुतो जेसुकै होस् त्यो केवल एउटा चिन्ह मात्र हो त्यसले कसैको व्यक्तित्व झल्काउने अर्थात् सामाजिक उत्तरदायित्व निर्वाह गर्ने होइन...

मोरङ । विहीबार विराटनगरमा नेपाल–भारत सीमा जिल्ला समन्वय समितिको बैठक बसेको छ । सो बैठकले आसन्न प्रतिनिधिसभा निर्वाचनका समयमा सुरक्षा व्यवस्था प्रभावकारी बनाउने निर्णय गरेको छ । मोरङ, झापा र सुनसरी तथा भारतका किसनगञ्ज, अररिया र सुपौल जिल्लाका उच्च अधिकारीहरूबीच सम्पन्न सो बैठकले आगामी निर्वाचनका सुरक्षाका विषयमा छलफल गरेको जिल्ला प्रशासन कार्यालय मोरङद्वारा जारी प्रेस विज्ञप्तिमा उल्लेख छ । बैठकमा मतदान हुनुभन्दा ७२ घण्टा आगाडि सीमा नाका पूर्ण रूपमा बन्द गर्ने सहमति भएको छ । मोरङका प्रमुख जिल्ला अधिकारी युवराज कट्टेल र भारतको अररिया जिल्लाका डिष्ट्रिक मजिष्ट्रेट विनोद दुहानको सह–अध्यक्षतामा सम्पन्न उक्त बैठकले निर्वाचनका समयमा सम्भावित सुरक्षा चुनौतीहरूलाई सम्बोधन गर्न संयुक्त सीमा गस्तीलाई सशक्त बनाउनाका साथै सुरक्षा व्यवस्थालाई चुस्तदुरुस्त पार्ने निर्णय बैठकले गरेको छ । त्यसैगरी...

सङ्खुवासभा । प्रतिकूल मौसमका कारण उडान भर्न नसकेर १० दिनदेखि बन्द रहेको तुम्लिङटार विमानस्थल आजदेखि पुन: सुचारु भएको छ । मौसम अनुकूल भएपछि सोमबार काठमाडौँ उडान भएको छ । काठमाडौँ–तुम्लिङटार उडान पुनः सञ्चालनमा आएको नागरिक उड्ययन कार्यालयले जानकारी दिएको छ । १० दिनदेखि तुवाँलोका कारण ‘भिजिबिलिटी’ नहुँदा हवाई सेवा अवरुद्ध भएको हो । यो विमानस्थलमा निजी क्षेत्रका विमान कम्पनीले सेवा सञ्चालन गर्दै आएका छन् ।...

चितवन ३ को कार्यालय चनौलीमा खुल्ने चितवन÷नेपाली काङ्ग्रेसले चितवन क्षेत्र नं. ३ को प्रचार प्रसार कार्यालय चनौलीमा खोल्दैछ । निर्वाचन आयोगले भोलिदेखि प्रचारप्रसारलाई खुला गरेको छ । सोही दिन कार्यालय खोल्न लागेको क्षेत्रीय सचिव तुलाराम गुरुङले जानकारी गराउनु भयो । कार्यालय उद्घाटनमा आमनिर्वाचन २०८२ मा चितवन ३ का काङ्ग्रेसका प्रत्याशी टेकप्रसाद गुरुङ लगायतको सो क्षेत्रका काङ्ग्रेस समर्थकहरुको व्यापक उपस्थिति रहने छ ।...

२९ माघ,काठमाडौं ।पशुपति क्षेत्र विकास कोषले महाशिवरात्रीको पूर्वसन्ध्यामा बिहीबार पत्रकार सम्मेलन गर्दै महाशिवरात्रीका दिन बिहान २ बजे नै पशुपतिनाथ मन्दिरको चारवटै ढोका खुल्ला गरिने र मन्दिर प्रवेशका लागि विभिन्न चार स्थानबाट लाइनको व्यवस्था गरिएको जानकारी दिएको छ । पाशुपत क्षेत्रमा मदिरा,गाँजा,भाङ,चरेश आदिको भण्डारण–विक्री वितरण तथा ओसार पसार नगर्नरनगराउन समेत कोषले सचेत गराएको छ । महाशिवरात्री मनाउन पशुपतिनाथ मन्दिरमा बिभिन्न देशबाट साधुसन्तहरुको समेत आगामन भइसकेको पनि कोषले जनाएको छ । कोषले महाशिवरात्री पर्वको तयारी अन्तिम चरणमा पुगेको जनाएको छ ।महशिवरात्री फाल्गुन ३ गते आइतबार मनाइदैछ ।...

२९ माघ,काठमाडौं । टी–२० विश्वकप अन्तर्गत भएको खेलमा नेपालले दोस्रो हार ब्यहोरेको छ ।आज भर्खरै सम्पन्न खेलमा नेपाल इटालीसँग १० विकेटले पराजित भएको हो । नेपालले दिएको १२४ रनको सामान्य लक्ष्य इटालीले १२.४ ओभरमा विकेट नगुमाई भेट्टाएको थियो । इटालीको सहज जितमा जस्टिन मोस्का र एन्थोनी मोस्काले सानदार साझेदारी गरेका थिए । जस्टिन ६० तथा एन्थोनी ६२ रनमा अविजित रहेका छन् । त्यसअघि मुम्बईस्थित वानखेडे मैदानमा टस हारेर पहिले ब्याटिङ थालेको नेपाल १९.३ ओभरमा १२३ रनमै अलआउट भएको थियो । आरिफ शेखले २७, रोहित पौडेलले २३, आसिफ शेखले २० दीपेन्द्र सिंह ऐरीले १७, करण केसी १८ रनमा अविजित रहँदा अन्य ब्याट्सम्यानले दोहोरो अंकमा रन जोड्न सकेनन् । कुशल भुर्तेलले ५, लोकेश बम र गुलशन झाले ३–३ रन बनाउँदा नन्दन यादवले खाता पनि खोल्न सकेनन् । बलिङतर्फ इटालीका क्रिसन कलुगामागेले तीन तथा बेन मनेन्टीले दुई वि...

२९ माघ, काठमाडौं । निर्वाचन आयोगका अनुसार, सात प्रकारका संस्था र व्यक्तिसँग राजनीतिक दल वा उम्मेदवारले चन्दा लिन नपाउने भएका छन् । पहिलो : नेपाल सरकार, प्रदेश सरकार वा स्थानीय तहको पूर्ण वा आंशिक स्वामित्व वा नियन्त्रणमा रहेको संगठित संस्था, दोस्रो : सर्वसाधारणको सेयर रहेको पब्लिक लिमिटेड कम्पनी तेस्रो : कुनै सरकारी वा सामुदायिक विश्वविद्यालय, क्याम्पस, विद्यालय वा प्राज्ञिक वा शैक्षिक संस्था   चौथो : नेपाल सरकार,प्रदेश सरकार तथा स्थानीय तहको कुनै पनि निकाय वा कार्यालय पाचौं : राष्ट्रिय तथा अन्तर गैरसरकारी संस्था छैठौं : नाम नखुलेको व्यक्ति वा संस्था सातौं : विदेशी सरकार,संस्था वा व्यक्ति निर्वाचन आचारसंहिता २०८२ को बुँदा नम्बर १६ मा निर्वाचन खर्च सम्बन्धी आचरण उल्लेख छन् । जसमा उम्मेदवारले निर्वाचन सम्बन्धी खर्च गर्दा बैंक वा वित्तीय संस्थामा छुट्टै खाता ख...

खोटाङ, २९ माघ । नेपाली गायन रियालिटी शो ‘द भ्वाइस अफ नेपाल’ सिजन–७ का उत्कृष्ट ४ अर्थात् फाइनल राउन्डमा पुग्न सफल प्रतियोगी सागर संसार राईलाई गृहजिल्ला खोटाङमा भव्य स्वागत गरिएको छ । कोच (प्रशिक्षक) खेम सेन्चुरीको समूह (टिम)बाट फाइनलमा पुग्नुभएका प्रतियोगी सागरलाई जिल्लाको प्रमुख व्यापारिक केन्द्र दिक्तेल बजारमा विभिन्न कार्यक्रमसहित स्वागत गरिएको हो । दिक्तेल रुपाकोट मझुवागढी नगरपालिका–८, दोर्पा बुवासुङ निवासी प्रतियोगी सागर दिक्तेल बहुमुखी क्याम्पस, दिक्तेल ईङ्ग्लिस सेकेण्डरी बोर्डिङ स्कूल र माउन्ड एभरेस्ट बोर्डिङ स्कूल दिक्तेलले छुट्टाछुट्टै आयोजना गरेको ‘सागर संसार राई जिताउ अभियान’सहितको सांगीतिक कार्यक्रममा प्रस्तुति दिन गृहजिल्ला खोटाङ आउनुभएको अभियान्ता रविन खम्बूले जानकारी दिनुभएको छ । गायक रोशन राई, गायिका ईन्द्रकला राई र गायक हसन राईसहित आफ्नो गृहजिल्ला खोटाङमा भोट माग्न आउनु...