कला/साहित्य

खोटाङ, २८ माघ । नेपाल कम्युनिष्ट पार्टी (माओवादी केन्द्र)का वरिष्ठ उपाध्यक्ष नारायणकाजी श्रेष्ठले वर्तमान सरकारले ल्याएको अध्यादेश संसदबाट कुनै पनि हालतमा पारित नहुने बताउनुभएको छ । नेपाल कम्युनिष्ट पार्टी (माओवादी केन्द्र) दिक्तेल रुपाकोट मझुवागढी नगरपालिका खोटाङको दोस्रो नगर अधिवेशन उद्घाटन कार्यक्रमलाई आज (सोमबार) दिक्तेल बजारमा सम्बोधन गर्नुहुँदै नेता श्रेष्ठले अध्यादेशको विषयमा सत्ता पक्षकै नेताहरु असहत रहेको बताउनुभयो । नेपाल सरकारका पूर्वउपप्रधान तथा गृहमन्त्रीसमेत रहनुभएका वरिष्ठ उपाध्यक्ष श्रेष्ठले निर्वाचन भएको समयमा चुनाव लड्ने, जित्ने र सरकार बनाउनेमात्र माओवादी केन्द्रको कार्यदिशा नभएको प्रस्टसमेत पार्नुभयो । “माओवादी केन्द्र जनताको पार्टी हो । जनताको हक, अधिकार र सुविधाका लागि सरकार, सदन र सडकमा लडिरहन्छ”, उहाँले भन्नुभयो, “माओवादी केन्द्रले क्रान्ति छाडेको छैन । प्राप्त उ...

खोटाङ, २७ माघ । किरात ऐतिहासिकस्थल एवम् धार्मिक पर्यटकीयस्थल खोटाङको तुवाचुङ–जायजुममा निर्माण गरिएको पदमार्ग पर्यटकका लागि आकर्षणको केन्द्र बनेको छ । हलेसी तुवाचुङ नगरपालिका–७ मा रहेको किरात ऐतिहासिकस्थल तुवाचुङ जायजुङमा कङ्क्रिट प्रयोग नगरी चुनासुकीको पर्खाल निर्माण पदमार्ग ७३० मिटर लामो छ । नेपाल सरकार, संस्कृति, पर्यटन तथा नागरिक उड्डयन मन्त्रालयको लगानीमा निर्माण शुरु गरिएको पदमार्गलाई हलेसी तुवाचुङ नगरपालिकाले ‘तुवाचुङ मिनी ग्रेटवाल’ नामाकरण गरेको छ । किरात समुदायको सभ्यताको उद्गमस्थल मानिने तुवाचुङ–जायजङमा मिनी ग्रेटवाल नामको पदमार्ग निर्माण गरिएसँगै सुन्दर बन्दै गएको छ । तुवाचुङ मिनी ग्रेटवालमा चुना र इँटाको धुलोसँगै फ्लाइ स्टोन जोडेर पर्खाल निर्माण गरिएको हलेसी तुवाचुङ नगरपालिकाका प्रवक्ता एवम् वडा नं. ७ महादेवस्थानका वडाध्यक्ष कमल गिरीले जानकारी दिनुभयो । “उकालो र उरालो भूभा...

खोटाङ, २६ माघ । ‘तेस्रो नेर्पा भुलभुले अन्तर वडास्तरीय पुरुष फुटबल प्रतियोगिता–२०८१’को उपाधि आयोजक नेर्पा स्पोर्टस् क्बल नेर्पा खोटाङले चुमेको छ । केपिलासगढी गाउँपालिका–४ बाक्सिलासँग आज (शनिबार) भएको फाइनल खेलमा बाक्सिलालाई शून्यका विरुद्ध दुई गोल गर्दै आयोजक नेर्पा स्पोर्टस् क्लब नेर्पाले तेस्रो सँस्करणको अन्तर वडास्तरीय फुटबल प्रतियोगिताको उपाधि चुमेको हो । नेर्पास्थित स्पोर्टस् क्लबको आफ्नै खेलमैदान संसारीडाँडामा भएको फाइनल खेलको पहिलो हाफमा नेर्पा स्पोर्टस् क्लब नेर्पाका जर्सी नं. ११ का खेलाडी भुजन गुरुङ एक्लैले दुवै गोल गर्नुभएको थियो । निर्धारित समयको पहिलो हाफको पाँचौँ मिनेट र २७ औँ मिनेटमा गोल गर्न सफल भुजन म्यान अफ दि म्याच घोषित हुनुभयो । उपाधि विजेता आयोजक नेर्पा स्पोर्टस् क्लब नेर्पाले नगद रु दुई लाखको साथमा ट्रफी र मेडल प्राप्त गरेको छ । दिक्तेल रुपाकोट मझुवागढी नगरपालिक...

खोटाङ, २६ माघ । नेपाल कम्युनिष्ट पार्टी (माओवादी केन्द्र) हलेसी तुवाचुङ नगर कार्यसमितिको अध्यक्षमा राजुबिक्रम चाम्लिङ चयन हुनुभएको छ । हलेसी तुवाचुङ नगरपालिका–५ दुर्छिममा सम्पन्न माओवादी केन्द्रको दोस्रो अधिवेशनले चाम्लिङलाई दोस्रो कार्यकालका लागि सर्वसम्मत् अध्यक्षमा चयन गरेको हो । समितिको उपाध्यक्षमा प्रदीप राई, प्रमोद गिरी र समिला बस्नेत, सचिव गण राई, सहसचिव दिनेश बुढाथोकी र कोषाध्यक्षमा लालबहादुर कार्की चयन हुनुभएको छ । पचपन्न सदस्यीय नगर कार्यसमितिको प्रवक्तामा सुजेन राई चयन हुनुभएको छ । माओवादी केन्द्रका केन्द्रीय सदस्य एवम् संविधानसभा सदस्य समिता कार्की ‘अस्मिता’, केन्द्रीय सदस्य अमेम्बर राई, जिल्ला सचिव सँगीन, सचिवालय सदस्यहरु आमोद, चयन्द्र राई लगायतको उपस्थिति रहेको थियो । नवनिर्वाचित कार्यसमितिलाई निर्वाचन समितिका संयोजक मेथबहादुर राईले पद तथा गोपणीयताको शपथ ग्रहण गराउनुभएक...

खोटाङ, २५ माघ । आफू निर्दोष भएपनि प्रहरीले बिना कारण जबरजस्ती पक्राउ गरेर हतकडी लगाएको भन्दै सुसाइट नोट लेखेका हलेसी तुवाचुङ नगरपालिका–१० अर्खौलेका १९ वर्षीय राम परियार मृत फेला परेका छन् । प्रहरी चौकी अर्खौलेका प्रमुख प्रहरी सहायक निरीक्षक पोषराज कार्कीले आफूलाई अपमानित गरेको भन्दै सुसाइट नोट लेखेका परियार आज (शुक्रबार) घर नजिकै झुण्डिएको अवस्थामा मृत फेला परेका हुन् । मृतक परिवारले लेखेको सुसाइट नोटअनुसार आफन्तले प्रहरी सहायक निरीक्षक कार्कीलाई कारबाहीको मागसमेत गरेका छन् । मृतक परियारलाई अर्खौले प्रहरी चौकीमा केही समय हतकडी लगाएर प्रहरीले छाडेकाले अपमानित महसुस गरेर हात्महत्या गरेको भन्दै दोषी प्रहरी सहायक निरीक्षक कार्कीलाई कानूनी कारबाही हुनुपर्ने उनीहरुले माग गरेका हुन् । जिल्ला प्रहरी कार्यालय खोटाङमा बिहीबार जबरजस्ती करणीको किटानी जाहेरी परेको भन्दै अर्खौले प्रहरी चौकीले मृतक...

खोटाङ, २५ माघ । बाल यौन दुरुपयोग कसूरमा दोषी ठहरिएका कृषिविज्ञ मदन राईलाई जिल्ला अदालत खोटाङले दुई वर्ष छ महिना कैंद सजाय तोकेको छ । साकेला गाउँपालिका–२ रतन्छा निवासी कृषिविज्ञ राईलाई जिल्ला न्यायधीश नारायणप्रसाद दाहालको इजलासले आज (शुक्रबार) सजाय निर्धारण गरेको हो । यही माघ–१० गते दोषी ठहरिएका कृषिविज्ञ राईलाई दुई वर्ष छ महिना कैंदका साथै रु एक लाख जरिवानासमेत निर्धारण भएको जिल्ला अदालत खोटाङका श्रेष्तेदार सीताराम खड्काले जानकारी दिनुभएको छ । यस्तै, पीडित किशोरीलाई रु एक लाख ५० हजार क्षतिपूर्ती दिन सजाय फैसला भएको अदालतले जनाएको छ । कृषिविज्ञ राईमाथि आफैले सञ्चालन गरेको दिक्तेल रुपाकोट मझुवागढी नगरपालिका–२ सोल्मास्थित शुभद्रा–मदन (शुभम्) फाउण्डेशनका किशोरीलाई यौन दुव्र्यवहार गरेको अभियोग लागेको थियो । बाल यौन दुरुपयोग कसूरमा अदालतले कृषिविज्ञ राईलाई माघ–१० गते कसूर ठहर गरेको थियो । ...

खोटाङ, २४ माघ । जिल्लाको प्रमुख व्यापारिक केन्द्र दिक्तेल बजारमा यही फागुन–१ गतेबाट ‘प्रथम मझुवागढी कालिका भगवती मिनी महोत्सव–२०८१’ आयोजना हुने भएको छ । जिल्लाका पर्यटकीय क्षेत्रहरुको प्रवद्र्धनका साथै स्थानीय कला तथा सँस्कृति, कृषि र खेलकुदलाई प्रवद्र्धन गर्ने उद्देश्यले महोत्सव गर्न लागिएको हो । नमुना स्पोट्र्स क्लब दिक्तेल रुपाकोट मझुवागढी नगरपालिका–५ लफ्याङको आयोजनामा हुन लागेको महोत्सव फागुन–१६ गतेसम्म सञ्चालन हुने जनाइएको छ । पन्ध्र दिनसम्म सञ्चालन हुने महोत्सवमा कृषि मेला प्रदर्शनी, पत्रकार तथा विभिन्न विद्याका राष्ट्रिय तथा अन्तर्राष्ट्रियस्तरका खेलाडीहरूलाई सम्मान, गायन तथा लोक नृत्य प्रतियोगिता, ख्यातीप्राप्त कलाकारहरुको साँगीतिक प्रस्तुति लगायतका कार्यक्रम समावेश गरिएको आयोजकले पत्रकार सम्मेलनमार्फत जनाएको छ । महोत्सवमा विभिन्न जातजातिको खाना, राडीपाखी, कृषि उपज, जडीबुटी, ...

खोटाङ, २२ माघ । जिल्लाका करिब दश हजार किशोरीलाई पाठेघरको मुखको क्यान्सरविरुद्ध प्रयोग हुने ह्युमन प्यापिलोमा भाइरस (एचपिभी) खोप उपलब्ध गराउनेगरी खोटाङमा एचपिभी खोप कार्यक्रम शुरुवात् गरिएको छ । देशभर एकैसाथ शुरुवात् गरिएको एचपिभी खोप अभियान अन्तरगत जिल्लाका नौँ हजार ९९५ जना किशोरीलाई एचपिभी खोप उपलब्ध गराउनेगरी खोप कार्यक्रम शुरुवात् गरिएको हो । कक्षा–६ देखि १० कक्षामा अध्ययनरत छात्रा तथा विद्यालय नजाने १० वर्षदेखि १४ वर्ष उमेर समूहका किशोरीलाइ एचपिभी खोप दिइने जिल्ला स्वास्थ्य कार्यालय, खोटाङका प्रमुख जिवन चौलागाईँले जानकारी दिनुभएको छ । खोप अभियानका लागि २७४ खोप केन्द्रमा ५४८ स्वयम्सेवक र १०१ जना सुपरिवेक्षक परिचालन गरिएको छ । जिल्लाका दशवटै स्थानीयमा दुई चरण गरेर खोप अभियान सञ्चालन हुने जनाइएको छ । पहिलो चरणमा दिक्तेल रुपाकोट मझुवागढी नगरपालिका, हलेसी तुवाचुङ नगरपालिका, केपिलासगढी...

खोटाङ, २२ माघ । नेर्पा स्पोर्टस् क्बलले नेर्पा खोटाङले आयोजना गरेको ‘तेस्रो नेर्पा भुलभुले अन्तर वडास्तरीय पुरुष फुटबल प्रतियोगिता–२०८१’मा दिक्तेल रुपाकोट मझुवागढी नगरपालिका–७ दोर्पा चिउरीडाँडाले विजयी यात्रा शुरुवात् गरेको छ । नेर्पास्थित नेर्पा स्पोर्टस् क्लब नेर्पाको आफ्नै खेलमैदान संसारीडाँडामा आज (मङ्गलबार) दिउँसो भएको उद्घाटन खेलमा साकेला गाउँपालिका–५ मात्तिमलाई एक गोलका विरुद्ध चार गोल गर्दै दोर्पा चिउरीडाँडाले विजयी यात्रा शुरुवात् गरेको हो । निर्धारित समयको पहिलो हाफमा पेनाल्टीमार्फत एक गोल गर्दै अग्रता लिएको दोर्पाले दोस्रो हाफमा तीन गोल गर्न सफल भएको थियो । ‘तेस्रो नेर्पा भुलभुले अन्तर वडास्तरीय पुरुष फुटबल प्रतियोगिता–२०८०’को विजेता दोर्पा चिउरीडाँडासँगको खेलमा मात्तिमले दोस्रो हाफपछि एक गोलमात्र फर्काएको थियो । दिक्तेल रुपाकोट मझुवागढी नगरपालिका–६ नेर्पास्थित वडा कार...

खोटाङ, २० माघ । नेपाल कम्युनिष्ट पार्टी (माओवादी केन्द्र) साकेला गाउँपालिका कार्यसमितिको अध्यक्षमा उन्नत राई चयन हुनुभएको छ । माओवादी केन्द्र साकेला गाउँपालिका कार्यसमितिको दोस्रो सम्मेलनले उन्नत राईको अध्यक्षतामा ४५ सदस्यीय गाउँपालिका कार्यसमिति सर्वसम्मत चयन भएको गरेको हो । समितिको उपाध्यक्षमा भरत बस्नेत, गौतम राई र भोला फुयाल, सचिवमा गोविन्द तामाङ, सहसचिवमा सर्मिला भट्टराई कोषाध्यक्ष नीर चाम्लिङ चयन हुनुभएको छ । गाउँपालिका कार्यसमितिको सम्मेलन उद्घाटन कार्यक्रममा केन्द्रीय सदस्य एवम् प्रतिनिधिसभा सदस्य रामुकुमार राई ‘पासाङ’, केन्द्रीय सदस्य एवम् जिल्ला ईन्चार्ज ध्रुब बुढाथोकी ‘धिरेन’, प्रदेश अध्यक्ष हर्क नेम्वाङ ‘मिक्सो’, उपाध्यक्ष देवान किराती ‘पृथ्वी’, प्रदेश सचिवालय सदस्य एवम् जिल्ला सहईन्चार्ज सुरेश राई, प्रदेश सदस्य एवम् जिल्ला संयोजक दीपक पाण्डे ‘आकाश’, प्रदेश सदस्य एवम् दिक्ते...