समाचार/विश्लेषण

खोटाङ, २८ चैत । ‘मुन्दुम ट्रेल भ्रमण वर्ष–२०२५’को अवसर पारेर खोटाङमा आयोजना गर्न लागिएको ‘रेडपाण्डा तथा थार महोत्सव–२०८२’को तयारीलाई भव्य र तीव्र बनाइएको छ । नयाँ वर्ष–२०८२ को अवसर पारेर आगामी वैशाख–१ र २ गते दिक्तेल रुपाकोट मझुवागढी नगरपालिकाले आयोजना गर्ने ‘रेडपाण्डा तथा थार महोत्सव–२०८२’ सफल बनाउनका लागि तयारीलाई भव्य र तीव्रता दिएको हो । ‘मुन्दुम ट्रेल भ्रमण वर्ष–२०२५’लाई सफल पार्दै विश्वमै लोपोन्मुख रेडपाण्डा र थारको संरक्षण तथा प्रवद्र्धन गर्ने उद्देश्यले दुई दिने महोत्सवको आयोजना गरिएको नगरप्रमुख तीर्थराज भट्टराईले जानकारी दिनुभएको छ । मध्यपहाडी लोकमार्ग अन्तरगत दिक्तेल–हलेसी सडकखण्डको हुर्लुङमा आयोजना हुने महोत्सवमा विभिन्न जातजातिको संस्कार–संस्कृति अनुसारका खाना, भेषभूषा, रहनसहन तथा स्थानीय उत्पादन आकर्षणको रुपमा राखिने आयोजकले जनाएको छ । स्थानीय कच्चा पदार्थबाट उत्पादित सा...

खोटाङ, २६ चैत । जिल्ला समन्वय समिति खोटाङको नवौँ जिल्लासभा तथा अर्धवार्षिक समिक्षा कार्यक्रम शुरु भएको छ । ‘विचारसहितको विकास, समृद्ध खोटाङ निकास’ भन्ने नाराका साथ जिल्ला समन्वय समिति खोटाङले नवौँ जिल्लासभा तथा अर्धवार्षिक समिक्षाका लागि दुई दिने कार्यक्रम आयोजना गरेको हो । दिक्तेलस्थित जिल्ला समन्वय समितिको समिक्षालय हलमा आयोजित कार्यक्रममा जिल्लास्थित राजनीतिक दलका प्रमुख तथा प्रतिनिधि, दशवटै स्थानीय तहका प्रमुख तथा उपप्रमुख, सरकारी कार्यालयका प्रमुख तथा प्रतिनिधि लगायतको सहभागिता रहेको छ । प्रतिनिधिसभा सदस्य एवम् पूर्वमन्त्री रामकुमार राई ‘पासाङ’ले फूलको गमलामा पानी हालेर औपचारिक उद्घाटन गर्नुभएको कार्यक्रममा स्थानीय तहका प्रमुख प्रशासकीय अधिकृत तथा जिल्लास्थित सरकारी कार्यालयका प्रमुखहरुले आ–आफ्नो कार्यालयले सञ्चालन गरेको गतिविधिका बारेमा प्रगति विवरण पेश गरेका छन् । कार्यक्रममा ...

खोटाङ, २५ चैत । दिक्तेल रुपाकोट मझुवागढी नगरपालिकाले नगरपालिकाको नाम परिवर्तन गर्नका लागि प्रस्ताव सार्वजनिक गरेको छ । राजनीतिक दल, सङ्घ÷संस्था, नागरिक समाज र नगरवासीसँग छलफल गरेर उनीहरुको सुझावको आधारमा नगरपालिकाको नाम परिवर्तन गर्ने तयारी गरिएको भन्दै नगरपालिकाले आज (सोमबार) प्रस्ताव सार्वजनिक गरेको हो । नगरकार्यपालिकाको बैठकले गरेको निर्णय सार्वजनिक गर्न नगरपालिकाले आज (सोमबार) आयोजना गरेको पत्रकार भेटघाट कार्यक्रममा नगरपालिकाको नाम परिवर्तन सम्बन्धी प्रस्तावसमेत सार्वजनिक गरिएको छ । आगामी वैशाख–१ र २ गते गर्न लागिएको रेडपाण्डा तथा थार महोत्सव, जेठ–१५ गते पर्ने गणतन्त्र दिवस, शैक्षिक सुधार कार्यदलको प्रतिवेदन, नगरपालिकाको सेवा प्रवाहमा गुणस्तर सुधार लगायतका विषयमा निर्णय गर्न आज (सोमबार) बसेको नगरकार्यपालिका बैठकमा नगरप्रमुख तीर्थराज भट्टराईले नगरपालिकाको नाम परिवर्तन सम्बन्धी प्रस्त...

खोटाङ, २३ चैत । विश्वप्रसिद्ध त्रिधार्मिकस्थल खोटाङको हलेसीमा १५ दिने रामनवमी मेला शुरु भएको छ । हिन्दु, बौद्ध र किराँत धर्मालम्बीको सङ्गमस्थल हलेसीमा रामनवमीको अवसर पारेर तीन दिनअघि (बुधबार)बाटै मेला शुरु भएको हो । रामनवमी मेला भर्न छिमेकी राष्ट्र भारत, चीन, भुटान, बङ्गलादेश, दक्षिण कोरिया लगायत विभिन्न राष्ट्रबाट दर्शनार्थी तथा भक्तजनहरु हलेसी आउने गरेका छन् । हलेसी आउने अधिकांश दर्शनार्थी तथा भक्तजनले आफ्नै सवारीसाधन ल्याएर आउने गरेका पार्किङ गर्ने ठाउँ व्यवस्थापनमा समस्या देखिएको प्रत्यक्षदर्शीले बताएका छन् । हलेसी आउने दर्शनार्थी तथा भक्तजनलाई सहजरुपमा पूजाआजा गर्ने वातावरण मिलाउन स्वयम्सेवक तथा प्रहरीसमेत परिचालन गरिएको हलेसी मन्दिरका मूल पूजारी गोपाल गिरीले जानकारी दिनुभएको छ । “रामनवमीको अघिल्लो रात अर्थात भरै बेलुका जाग्राम बस्ने चलन छ । भोलि पञ्चेबाजासहित गहना लगेर महादेव प...

खोटाङ, २२ चैत । दिक्तेल रूपाकोट मझुवागढी नगरपालिका–१४ बुइपामा निर्माणाधीन किराती प्रथम राजा यलम्बरको पूर्ण कदको प्रतिमा (शालिक)सहितको यलम्बर पार्क (उद्यान) निर्माणको काम अन्तिम चरणमा पुगेको छ । किरात ऐतिहासिक एवम् पर्यटकीयस्थल बुइपास्थित पञ्चदोबाटोका तीस रोपनीभन्दा बढी सरकारी जग्गामा किराती प्रथम राजा यलम्बरको ११० फिट अग्लो पूर्ण कदको शालिक राख्नेगरी व्यवस्थित तथा आधुनिक पार्क निर्माणको काम शुरु गरिएको हो । माझ किरात भनेर चिनिने खोटाङको किरात ऐतिहासिक एवम् पर्यटकीयस्थल बुइपामा निर्माण शुरु गरिएको यलम्बरको शालिकको काम सम्पन्न भइसकेको छ भने, पार्क निर्माणको काम तीव्रगतिमा भइरहेको छ । कोशी प्रदेश सरकारको ७० र नगरपालिकाको ३० प्रतिशत लगानी रहेको यलम्बर पार्क निर्माण आयोजनामा करिब रु १४ करोड लागतमा पूरा हुने विस्तृत परियोजना प्रतिवेदन (डिपिआर)मा उल्लेख छ । उमा–तुवाचुङ–अनसुवी जेभीले निर्माण...

खोटाङ, २० चैत । ऐसेलुखर्क गाउँपालिकामा निर्माणाधीन पालिकास्तरीय अस्पताल भवनको काम अन्तिम चरणमा पुगेको छ । ग्रामीण क्षेत्रमा प्राथमिक स्वास्थ्य सेवा विस्तार गर्ने उद्देश्यसहित नेपाल सरकारको लगानीमा वडा नं. ३ ऐसेलुखर्क बजारमा निर्माण शुरु गरिएको पालिकास्तरीय १५ शय्याको अस्पतालको काम अन्तिम चरणमा पुगेको हो । अपाङ्गमैत्री भौतिक संरचनासहित निर्माणाधीन सुविधा सम्पन्न अस्पताल भवन निर्माणको काम ९९ प्रतिशत सम्पन्न भएको ठेकेदार कम्पनी तुवाचुङ कन्ट्रक्शन प्रा.लि.का प्रबन्ध÷निर्देशक सुनिल राईले जानकारी दिनुभएको छ । भ्याटसहित रु १९ करोड ३० लाख ४४ हजार ३०० लागतमा निर्माणाधीन अस्पताल भवन यही महिना दिनभित्र गाउँपालिकालाई हस्तान्तरण गर्नेगरी रङरोगनको काम भइरहेको ठेकेदार कम्पनीले जनाएको छ । लिफ्ट सुविधासहितको अपाङ्गमैत्री अस्पताल भवन निर्माणको काम अन्तिम चरणमा पुग्दा स्थानीयवासीन्दा हर्षित भएका छन् । ...

खोटाङ, २० चैत । दिक्तेल रुपाकोट मझुवागढी नगरपालिका–३ बाम्राङका पत्रकार केजिन राई नेपाल पत्रकार महासङ्घ युरोप शाखाका अध्यक्ष हुनुहुन्छ । प्रेस सेन्टर नेपालका युरोप शाखा इन्चार्जसमेत रहनुभएका पत्रकार राईले वि.सं. २०४७ सालबाट व्यवसायिक पत्रकारिता शुरु गर्नुभएको हो । युगध्वनी साप्ताहिक पत्रिकाबाट व्यवसायिक पत्रकारिता शुरु गर्नुभएका पत्रकार राईले चोमोलोङ्मा, काठमाडौँ टुडे, साल्पा, हिमालय, नेपाल टाइम्स दैनिक, लोकपत्र दैनिक, अपराह्न, छानबिन साप्ताहिक, जनमञ्च साप्ताहिक, मध्यान्तर पाक्षिकलगायत विभिन्न पत्रपत्रिकामा काम गर्नुभयो । रहरैरहरको पत्रकारिताले व्यवसायिक पत्रकार बन्नुभएका पत्रकार राई खोटाङबाट प्रकाशित मध्यान्तर पाक्षिकमा सल्लाहकार सम्पादक र लेनमुक (दिव्यदृष्टि)मा सम्पादकसमेत बन्नुभएको थियो । नेपाल टाइम्समा रहँदा खेलकुद पत्रकार टोलीको नेतृत्व गर्दै रिपोर्टिङ (समाचार सङ्कलन)का लागि पत्र...

खोटाङ, ११ चैत । नेपाल नेत्रज्योति सङ्घ खोटाङले दिक्तेल बजारमा आयोजना गरेको तीनदिने निःशुल्क आँखा शल्यक्रिया शिविरमा ९९ जनाको शल्यक्रिया सफल भएको छ । सगरमाथा चौधरी आँखा अस्पताल सिरहा लाहानको प्राविधिक सहयोग तथा दिक्तेल रुपाकोट मझुवागढी नगरपालिकाको बन्दोबस्तीमा नेत्रज्योति सङ्घ खोटाङले आयोजना गरेको निःशुल्क आँखा उपचार शिविरमा दिप्रुङ चुइचुम्मा गाउँपालिका–१ याम्खाकी ९१ वर्षीया देवीसरा राईसहित ९९ जनाको आँखाको शल्यक्रिया गरिएको हो । दिक्तेलस्थित आँखा उपचार केन्द्र दिक्तेलमा सञ्चालन गरिएको निःशुल्क आँखा शल्यक्रिया शिविरमा ७१२ जनाको आँखा जाँच, ५७० जनालाई औषधि वितरण, २०२ जना जेष्ठ नागरिकलाई निःशुल्क चस्मा वितरण तथा ९९ जनाको शल्यक्रिया गरिएको आयोजक नेत्रज्योति सङ्घ खोटाङका अध्यक्ष इन्द्र कसजूले जानकारी दिनुभएको छ । “दश स्थानीय तह रहेको जिल्लामा एक हजार ५४२ जना व्यक्तिमा अन्धोपनाको समस्या रहेको स...

खोटाङ, ११ चैत । आगामी वैशाख दोस्रो साता खोटाङको दिक्तेल बजारमा ‘दोस्रो बृहत खोटाङ हलेसी खेलकुद, साहित्यिक तथा पर्यटन महोत्सव–२०८२’ सञ्चालन हुने भएको छ । नेपाल खेलकुद प्रतिष्ठान खोटाङ र नेपाल सितोरियो कराते सङ्घ खोटाङको संयुक्त आयोजनामा वैशाख–१५ गतेदेखि २० गतेसम्म दिक्तेल बजारमा खेलकुद, साहित्यिक तथा पर्यटन महोत्सव सञ्चालन हुने भएको हो । जिल्लाको प्रमुख व्यापारिक केन्द्र दिक्तेल बजारमा छ दिनसम्म सञ्चालन हुने महोत्सवमा ६३ वटा पदकका लागि एथलेटिक्ससहित खुला ब्याडमिन्टन, खुला पुरुष बुद्धिचाल र साहित्यिक प्रतियोगिता आयोजना गरिएको आयोजकले पत्रकार सम्मेलनमार्फत जानकारी दिएको छ । खेलकुदको माध्यमबाट खोटाङलाई राष्ट्रिय तथा अन्तर्राष्ट्रिय क्षेत्रमा परिचित गराउन, पर्यटकीय जिल्लाको रुपमा अघि बढाउन, खेलकुदलाई जिल्लाको गौरवको आयोजना बनाउन, सन् २०५० भित्र ओलम्पिक पदक जित्ने खेलाडी जिल्लामै उत्पादन गर्न...

खोटाङ, १० चैत ।  रावाबेँसी गाउँपालिका–२ खार्पास्थित खार्पा प्रहरी चौकीको नवनिर्मित सुविधा सम्पन्न आरसिसी कार्यालय भवन उद्घाटन गरिएको छ । भ्याटसहित रु दुई करोड ९५ लाख ३२ हजार लागतमा निर्माण भएको सुविधा सम्पन्न कार्यालय भवन आज (आइतबार) कोशी प्रदेश प्रहरी प्रमुख प्रहरी नायब महानिरीक्षक राजन अधिकारीले उद्घाटन गर्नुभएको हो । वि.सं. २०६९ सालमा स्थापना भएको खार्पा प्रहरी चौकीले अघि साबिक खार्पा गाउँ विकास समिति  (गाविस)को पुरानो भवनबाट सेवा प्रदान गर्दै आएको थियो । स्थापना भएकाे १२ वर्षसम्म साँघुराे तथा कच्ची  भवनबाट सेवा प्रवाह गर्दै आएकाे प्रहरी चाैकी खार्पाका लागि नयाँ भवन निर्माण भएर प्रयोगमा आएसँगै सेवा प्रवाहमा सहज हुने जनाइएकाे छ । नवनिर्मित भवनमा सानो ठुलो गरी ११ वटा कोठा रहेको छ । साढे दुईतले भवनमा कार्यालय प्रमुख कक्ष, सञ्चार कक्ष, महिला तथा पुरुष हिरासत कक्ष, एटेज शौचालयसहितको मह...